Simon Bartolo

Simon Bartolo huwa kittieb ta’ drammi, kotba tat-tfal u l-adolexxenti, rumanzi u oħrajn. Fis-snin tiegħu bħala student fl-Università ta’ Malta kien l-editur tal-ġurnal tal-kitba Readers & Writers. Flimkien ma’ Loranne Vella kiteb Sqaq l-Infern u l-kotba l-oħra tat-Triloġija tal-Fiddien. Huwa kien wieħed mill-fundaturi tal-grupp teatrali Aleateia u bħala d-direttur artistiku u d-drammaturgu tal-grupp ħoloq bosta xogħlijiet li ttellgħu kemm f’Malta kif ukoll f’pajjiżi oħrajn. Ippubblika diversi kotba — bħal Kliem ir­-Riħ, Kważi Kważi lil Tamara Nżommuha u Deformity — li rebħu premjijiet nazzjonali. Kiteb ukoll kotba mhux fittizji, bħal A Seat at the Table li jittratta l-istorja reċenti tad-drittijiet tal-persuni LGBT+ f’pajjiżna. Huwa l-awtur ta’ Jien Inħobb — Inti Tħobb, Ħabbilni ħa Nirbaħ u għadd ta’ drammi oħrajn, fosthom Il-Pożittivi, li kien frott ta’ riċerka estensiva u intervisti ma’ nies li jgħixu bl-HIV f’Malta. Bħalissa għaddej bi proġetti oħrajn bħal Irranġajtni għall-Festi — ktieb dwar it-tradizzjoni tal-festa Maltija bħala wirt intanġibbli, li se jitqassam fl-iskejjel; Do Re Mi — kollaborazzjoni mal-Malta Philharmonic Orchestra fuq sensiela ta’ kunċerti għat-tfal; u Il-Kreatura tad-Deheb — ktieb ġdid minn Ruxxmata Kreaturi, sensiela ta’ kotba li tkaxkar il-mostri tal-folkor Malti lejn is-seklu 21.

Kitba ta’ Simon fil-ġurnal:

Dekorazzjoni art-nouveau