Invokazzjonijiet

it-tnejn u tletin

Beverly Agius

Aphroconfuso
ħallini nkun ommok ħa nberred in-nirien
inkeċċi r-rwiefen pietà li twaqqaf qliel ta’
xita ġewwa fik dan il-mostru li għejjiek
ħalli f’idi l-versi li qed ikidduk u jirbħuk
tini wiċċek aphroconfuso ħa ndewwi
l-aċċjomu ħa nbus il-feriti nagħlaq
l-apokalissi ntelaq fuq din l-irħama
karrara fuq din l-omm koetanja intelaq
bħal rużar fuq dan il-lużar ibni kif int
mifluġ — imdemmi narak issir demmi

L-iżvilupp u l-pub­blikaz­zjoni ta’ dax-xogħol sar bl-appoġġ tal-Kunsill Malti għall-Arti bħala parti mill-Investiment f’Organizzazzjonijiet Kulturali 2026–2028.

Aqra l-parti li jmiss:

it-tlieta u tletin

Aphroconfuso għax jien inħobbok kif int u kif emmini ma nafx imma kultant j’tini li nċarratlek sidrek nonfoħ f’pulmunek u nimliehulek b’riħet iċ-ċitru u ċ-ċedru flok bl-ispirtu hekk naf li għada tisbaħ iżjed int milli int — taħsad fija l-bekkamort Aphroconfuso għax jien inħobbok kif int u kif emmini ma nafx imma kultant j’tini li nċarratlek sidrek nonfoħ f’pulmunek u nimliehulek b’riħet iċ-ċitru u ċ-ċedru flok bl-ispirtu hekk naf li għada tisbaħ iżjed int milli int — taħsad fija l-bekkamort

Dekorazzjoni art-nouveau