Aphroconfuso,
jaqaw sirt taf li qed niktbek?
-
- April 2025
1. l-ewwel
Aphroconfuso
xħin rajtni nintelaq fl-ilma ta’
għajn tuffieħa u ħsibtni mhux
f’sikkti għax ngħasi ried jgħibni
mill-bajja bojja biex nitfaċċa nitfa
rondinella tpassi l-ibħra inkella
monakella taqbeż bejnet il-blat —
kif aphroconfuso għadni mqabbda
ma’ qaddek u ma salpajtx ’il fejn
ħjut il-ħut minn rasi mgħaddsa
qegħdin għalenija jqaddfuli? -
- April 2025
2. it-tieni
Aphroconfuso,
jaqaw sirt taf li qed niktbek?
b’hekk qed tħallini kkalzrata
fi mkejjen, pjazez il-memorja
ta’ Castellania biex tieħu minni
bandi ta’ tama mwerżqa fin-niċċa,
il-berlina li għalaqtni fiha, jew trid
tal-kastig tibqa’ f’xi bnadi għama?
Aphroconfuso,
jaqaw sirt taf li qed niktbek?
b’hekk qed tħallini kkalzrata
fi mkejjen, pjazez il-memorja
ta’ Castellania biex tieħu minni
bandi ta’ tama mwerżqa fin-niċċa,
il-berlina li għalaqtni fiha, jew trid
tal-kastig tibqa’ f’xi bnadi għama? -
- Ġunju 2025
3. it-tielet
Aphroconfuso
għax sirtlek ruħ għedtli
meta tlaqtlek wara tliet
xhur u waqaft inkellmek
zoptu — ma tafx li nsiru
erwieħ wara li mmutu?
Aphroconfuso
għax sirtlek ruħ għedtli
meta tlaqtlek wara tliet
xhur u waqaft inkellmek
zoptu — ma tafx li nsiru
erwieħ wara li mmutu?
Aphroconfuso
għax sirtlek ruħ għedtli
meta tlaqtlek wara tliet
xhur u waqaft inkellmek
zoptu — ma tafx li nsiru
erwieħ wara li mmutu? -
- Ġunju 2025
4. ir-raba’
Aphroconfuso,
la nerġgħu flimkien
iseħħu t-terremoti,
tgħidli, u nitħasseb
dwar il-ġlied, imma
int tgeżwer iperbole
mit-tqanqil. immerik
li kultant il-litterali
isbaħ mil-letterarju
Aphroconfuso,
la nerġgħu flimkien
iseħħu t-terremoti,
tgħidli, u nitħasseb
dwar il-ġlied, imma
int tgeżwer iperbole
mit-tqanqil. immerik
li kultant il-litterali
isbaħ mil-letterarju -
- Ġunju 2025
5. il-ħames
Aphroconfuso,
għalik insir platonika
biss la nittieħed
mid-dinja tal-forom.
Aphroconfuso,
għalik insir platonika
biss la nittieħed
mid-dinja tal-forom.
Aphroconfuso,
għalik insir platonika
biss la nittieħed
mid-dinja tal-forom.
Aphroconfuso,
għalik insir platonika
biss la nittieħed
mid-dinja tal-forom.
Aphroconfuso,
għalik insir platonika
biss la nittieħed
mid-dinja tal-forom.
Aphroconfuso,
għalik insir platonika
biss la nittieħed
mid-dinja tal-forom. -
- Lulju 2025
6. is-sitt
Aphroconfuso,
x’qed tistenna? li tiġi
ħarifa oħra biex nidħlu
f’burdata gotika —
ma tafx li jiena qatt
ma ħriġt minnha?
Aphroconfuso,
ma nafekx tas-sajf
maħbub sinċier,
u lanqas lili.
Fejn qegħidt
qalbek sewda
ħalli(ni) immur
niġborha.
Aphroconfuso,
x’qed tistenna? li tiġi
ħarifa oħra biex nidħlu
f’burdata gotika —
ma tafx li jiena qatt
ma ħriġt minnha?
Aphroconfuso,
ma nafekx tas-sajf
maħbub sinċier,
u lanqas lili.
Fejn qegħidt
qalbek sewda
ħalli(ni) immur
niġborha. -
- Lulju 2025
7. is-seba’
Aphroconfuso
għax meta tħobb aphroconfuso
bħalek xejn ma jibqa’ tiegħek:
la qalbek la laħmek la ngħasek
la rqadek la għadmek la leħnek
la ħinek la żmienek la xagħrek
aħmar jilheġ ix-xemx mielħa
sbieħ Awwissu għatxan / xejn
ma jibqa’ tiegħek lanqas ħajtek,
ħlief mewtek. din biss tiegħek,
u frankament tista’ troddha
Aphroconfuso
għax meta tħobb aphroconfuso
bħalek xejn ma jibqa’ tiegħek:
la qalbek la laħmek la ngħasek
la rqadek la għadmek la leħnek
la ħinek la żmienek la xagħrek
aħmar jilheġ ix-xemx mielħa
sbieħ Awwissu għatxan / xejn
ma jibqa’ tiegħek lanqas ħajtek,
ħlief mewtek. din biss tiegħek,
u frankament tista’ troddha -
- Lulju 2025
8. (it-tmien)
(Aphroconfuso,
la ma tridx taf iktar bija
insir għalik il-poeżija
dawn l-invokazzjonijiet
il-vuċijiet
nidhirlek fil-kelma
nibqa’ ninvokak
bħal ruħ mid-dinja l-oħra
bħal belha mitlufa f’din)
Aphroconfuso
għax meta tħobb aphroconfuso
bħalek xejn ma jibqa’ tiegħek:
la qalbek la laħmek la ngħasek
la rqadek la għadmek la leħnek
la ħinek la żmienek la xagħrek
aħmar jilheġ ix-xemx mielħa
sbieħ Awwissu għatxan / xejn
ma jibqa’ tiegħek lanqas ħajtek,
ħlief mewtek. din biss tiegħek,
u frankament tista’ troddha -
- Awwissu 2025
9. id-disa’
Aphroconfuso
niftaħ beraħ it-tieqa ħanġra
li tifga l-widna ta’ kull ħliqa
t-twerżiqa li ngara bla ma nara
ħa nisma’ sa fl-aħħar l-ereżija
tas-sensi li nissopprimi f’ferneżija
frak dal-intellett
ma niflaħx ma nistax
ma rridx is-sedattiv
-
- Awwissu 2025
10. l-għaxar
Aphroconfuso
nogħla mill-aċtu nar l-infern
fl-intern id-dardir it-tqalligħ
li jivvumtani joħroġni minn
ħalqi ħamiema bajda riesqa
tittajjar lejk ħanina riesqa fuq
regional road aphroconfuso
nieżla. wieqfa. feruta. fl-art.
-
- Awwissu 2025
11. il-ħdax
Aphroconfuso
nżomm ma’ dan il-ħajt ħa naqla’
s-sustanza qarsa ta’ kull trawma
basla nneħħi ż-żarbun iżiegħed
żrar inriegħed l-essenza l-kriżi
brix il-ħsieb eżawrit sebgħi f’riqi
nirreġetta l-eżistenza b’insistenza
arana noħorġu f’daħna minn dan
il-lembut aphroconfuso f’te —
-
- Settembru 2025
12. it-tnax
Aphroconfuso,
imiss darba jmiss tnejn
is-sufrun li jinżel biss xibrejn
u jiġbed lilek baħri lejn fejn
akrobati jitnisslu bluhati
skjava tal-ħalel li ħalliel
xeħet fuqi kursar il-baħar
biss jekk il-galjun tiskava
ssibni pulena ta’ sirena
f’swied il-qiegħ imma
f’wiċċ idek bambina
inkella wegħda: xambekk
fuq ta’ kappella l-ġebla
-
- Settembru 2025
13. it-tlettax
Aphroconfuso
r-rabja li nikkarga fil-muta ta’ wiċċi
l-vini li wiżgħat jaqbżu minn għonqi
magħtub bil-ġebel u l-metall tqal li
bihom nordom widnejja tant kemm
ma niflaħx iżjed għal qtugħek fi kliemi
ma niflaħx iżjed għall-kondixxendenza
u jien xi ftit bħal kaliban ma
nisma’ mill-ebda alla uman
aphroconfuso nżomm rasi bejn idejja
rrid nifqagħha għax ma niflaħx iżjed
ngħaddi d-distiċi minn subgħajja l-kurrenti
mill-arterji. aphroconfuso l-elettrokuzzjoni -
- Settembru 2025
14. l-erbatax
Aphroconfuso,
ma nimpressjonax ruħi
għax narak indannata,
tgħidli. għadek qatt
ma qbadtni fil-gost
tar-raba’ li nqabbad
f’nirien wara sajf
mingħajr ħsad
