Ommi saret għasfur magħdur
bilkemm titrejjaq,
tgħid biss ftit kliem
wiċċha ċkejken,
għajnejn lubien.
Ommi saret liżar abjad
nadif tazza u stirat,
taħbila pajpijiet u wajers,
magna li tkejjel id-diqa
b’numri jpetptu stranġiera.
Ommi saret agunija
tkarkar lajma daqs is-sigħat.
Ommi saret toqol f’qalbi,
toqol ċangun, iswed u skur.
Ommi saret talba
lill-baħħ.
Ommi saret munzell fjuri,
qronfol, ward, u aktar qronfol.
Ommi siġra tixxengel mar-riħ.
Ommi żewġ fjuriet.
Ommi saret ix-xita traxxax
it-toroq niexfa,
żiffa kiesħa
tħabbar il-jiem xitwin.
